TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka folur për revistën The Atlantic në lidhje me sulmet SHBA-Izrael ndaj Iranit.
Ai i tha revistës se udhëheqësit e rinj të Iranit duan të zhvillojnë bisedime dhe se ka rënë dakord për diskutime me ta, transmeton Telegrafi.
Në komente të veçanta të transmetuara nga Fox News, presidenti amerikan tha se 48 udhëheqës u vranë në sulmet ndaj Iranit.
Trump, në komente të mëtejshme të raportuara nga CNBC News, tha gjithashtu se operacionet ushtarake në Iran ishin "përpara afatit".
Është konfirmuar si nga vetë Trump ashtu edhe nga Irani se udhëheqësi suprem i vendit, Ajatollah Ali Khamenei, ishte midis viktimave.
Më herët, Trump kishte deklaruar në një intervistë për CNBC se operacioni amerikan në Iran po ecën “përpara afatit kohor” dhe se zhvillimet janë “shumë pozitive”.
“Është një regjim shumë brutal, një nga më brutalët në historinë e njerëzimit,” theksoi Trump, duke shtuar se “po bëjmë detyrën tonë jo vetëm për ne, por edhe për botën. Dhe gjithçka po shkon përpara afatit.”
Ai shtoi se situata po evoluon në një mënyrë shumë pozitive dhe se operacioni amerikan ka pasur sukses të jashtëzakonshëm. Në një intervistë për Fox News, Trump deklaroi se me vetëm një sulm janë vrarë 48 liderë iranianë: “Askush nuk mund ta besojë suksesin që kemi arritur. 48 liderë iranianë u shuan me një goditje të vetme,” u shpreh ai.
