TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump u ka kërkuar liderëve të disa vendeve arabe dhe myslimane që të normalizojnë marrëdhëniet me Izraelin pas arritjes së një marrëveshjeje për përfundimin e luftës me Iranin.
Sipas raportimit të Axios, Trump zhvilloi gjatë fundjavës një videokonferencë me liderët e Arabisë Saudite, Emirateve të Bashkuara Arabe, Katarit, Pakistanit, Turqisë, Egjiptit, Jordanisë dhe Bahreinit.
Gjatë bisedës, ai kërkoi që vendet që ende nuk janë pjesë e Marrëveshjeve të Abrahamit të nënshkruajnë marrëveshje paqeje me Izraelin.
Burime amerikane thanë se disa liderë, veçanërisht ata të Arabisë Saudite, Katarit dhe Pakistanit, u surprizuan nga kërkesa e Trump. Sipas tyre, në linjë pati heshtje për disa sekonda, ndërsa presidenti amerikan bëri shaka duke pyetur nëse ishin ende të lidhur në telefonatë.
Trump më pas njoftoi se i dërguari i tij, Jared Kushner, dhe diplomati Steve Witkoff do të vazhdojnë kontaktet me vendet e rajonit në javët e ardhshme.
Ai deklaroi gjithashtu se shpreson që në të ardhmen edhe Irani të mund të bëhet pjesë e Marrëveshjeve të Abrahamit, gjë që do të kërkonte njohjen e Izraelit nga Teherani.
Trump synon një marrëveshje historike mes Arabisë Saudite dhe Izraelit, por zhvillimet politike në rajon dhe zgjedhjet e ardhshme në Izrael e bëjnë të vështirë arritjen e një marrëveshjeje të shpejtë.
Princi saudit Mohammed bin Salman, i cili më herët ishte shprehur i hapur për normalizim me Izraelin, kohët e fundit ka mbajtur një qëndrim më të rezervuar.
Zyrtarët sauditë vazhdojnë të kërkojnë që Izraeli të angazhohet për krijimin e një shteti palestinez si kusht për normalizimin e marrëdhënieve, kërkesë që qeveria izraelite e kundërshton.
