TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zyrtarët e lartë ushtarakë informuan Presidentin Donald Trump të mërkurën mbi planet e përditësuara për operacionet në Venezuelë, duke përfshirë mundësinë e sulmeve tokësore, në takimet në Shtëpinë e Bardhë.
Sipas burimeve të njohura me diskutimet, Sekretari i Luftës Pete Hegseth, Kryetari i Shtabit të Përbashkët Dan Kaine dhe zyrtarë të tjerë të lartë i paraqitën Trump një sërë opsionesh operacionale për ditët në vijim.
Të njëjtat burime i thanë CBS News se ende nuk është marrë një vendim përfundimtar, por opsionet që po shqyrtohen variojnë nga sulmet e synuara, deri në një angazhim më të gjerë ushtarak.
Shtëpia e Bardhë nuk bëri komente menjëherë, dhe një zëdhënës i Pentagonit refuzoi të komentojë.
Anija luftarake USS Gerald Ford, një aeroplanmbajtëse masive, hyri në zonën e përgjegjësisë së Komandës Jugore të SHBA-së në fillim të kësaj jave, e cila ka përgjegjësinë kryesore operative për Karaibet dhe Amerikën e Jugut.
Anija luftarake i bashkohet një force tashmë të vendosur shkatërruesish, avionësh luftarakë dhe njësive të operacioneve speciale që veprojnë në rajon.
Gjatë dy muajve të fundit, ushtria amerikane ka kryer sulme ndaj të paktën 21 anijeve që beson se po transportonin drogë nga Amerika e Jugut në Shtetet e Bashkuara.
Të paktën 80 trafikantë të dyshuar janë vrarë në operacione, ndërsa dy mbijetuan dhe u deportuan në Ekuador dhe Kolumbi. Burri që u kthye në Ekuador u lirua, pasi autoritetet nuk gjetën prova për përfshirjen e tij në aktivitet kriminal.
