TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-Presidenti i Shteteve të Bashkuara dhe kandidati aktual republikan Donald Trump po përballet me fatura të majme ligjore, për të cilat po has vështirësi edhe pse është një nga personat më të pasur në vend. Kjo ndodh për shkak se shumica e pasurive të Trump ndodhet në investime të paluajtshme të cilat nuk mund të likuidohen aq shpejt sa për të përmbushur detyrimet e ish-kreut të Shtëpisë së Bardhë.
Një komitet i përbashkët për mbledhjen e fondeve në ndihmë të Trump, i quajtur “Trump 47” do të mbledhë donacione nga republikanë në të gjithë vendin për të lehtësuar barrën financiare të ish-Presidentit, i cili po përballet me disa probleme ligjore. Sapo donatorët të arrijnë limitet e tyre maksimale të kontributit, atëherë paratë do të shkojnë në Komitetin Kombëtar Republikan (RNC) i ndjekur nga partitë shtetërore republikane.
Ish-presidenti po përballet me faturat ligjore në rritje nga një seri çështjesh civile dhe penale dhe ka shpenzuar dhjetëra miliona për avokatët, përfshirë gati 5.6 milion dollarë vetëm muajin e kaluar. Në ftesën për një ngjarje donatorësh të 6 prillit të organizuar nga miliarderi i fondit mbrojtës John Paulson, donacioni maksimal është 814,600 dollarë për person.
