TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në fjalimin e tij të parë të fushatës presidenciale për vitin 2024, Presidenti Amerikan Joe Biden deklaroi se rivali i tij Donald Trump është një kërcënim themelor për demokracinë e vendit.
Duke folur për 6 Janarin e vitit 2021, Biden u shpreh se kjo ditë ishte një moment kur të gjithë gati e humbën Amerikën dhe gjithçka tjetër. Joe Biden kërkoi që në zgjedhjet presidenciale të këtij viti, amerikanët t’iu drejtohen kutive të votimit për të bërë zgjedhjen e tyre për një të ardhme më të mirë.
“Duke u përpjekur të rishkruante faktet e 6 Janarit, Donald Trump po përpiqej të vidhte historinë në të njëjtën mënyrë që tentoi të vidhte zgjedhjet. Ne e dimë të vërtetën pasi e pamë me sytë tanë, protestuesit e Trump nuk ishin protestues paqësor por disa sulmues të dhunshëm. Demokratë, të pavarur dhe republikanë të zakonshëm.
Ne duhet të bëjmë zgjedhjen tonë. Unë e di timen dhe besoj se e njoh atë të Amerikës. Ne do të mbrojmë të vërtetën, nuk do të dorëzohemi para gënjeshtrës së madhe. Ne do të përqafojmë Kushtetutën dhe jo ta braktisim atë. Ju duhet të dini se me ne demokratët ju keni demokracinë në fletëvotim,”-tha Biden.
Ish presidenti amerikan Donald Trump iu kundërpërgjigj Joe Biden mbi këtë fjalim në një tubim që ai mbajti në Iowa duke e quajtur atë një frikacak që kërkon në mënyrë patetike të ngjallë frikë.
Trump u shpreh se përgjatë kohës që Biden ka qenë president i Shteteve të Bashkuara, vendi është kthyer në një komb të dështuar që është rrethuar nga terroristët dhe emigrantë që vijnë nga kufiri SHBA-Meksikë.
