TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pothuajse një muaj pas nisjes së sulmeve amerikane kundër Iranit, Donald Trump raportohet se ka vendosur të dërgojë mijëra trupa shtesë në Lindjen e Mesme, edhe pse publikisht ai pretendon se lufta “tashmë është vendosur” në favor të Shteteve të Bashkuara.
Kjo kundërthënie ka shkaktuar pakënaqësi te bashkëpunëtorët e tij të lartë në Shtëpinë e Bardhë dhe te aleatët jashtë qeverisë, sipas tre burimeve që folën për MS NOW lidhur me retorikën publike të presidentit amerikan.
Të njëjtat burime e cilësuan mesazhin e Trump si të paqartë dhe të mbushur me kundërthënie të brendshme, duke theksuar se ai duket gjithnjë e më i shkëputur nga realiteti në terrenin e operacioneve.
Një zyrtar i lartë i Shtëpisë së Bardhë, i cili foli në kushte anonimiteti, deklaroi se pohimi i Trump se lufta është fituar tashmë është “kryesisht një ekzagjerim”, duke shtuar se “kjo është pjesë e prirjes [së Trump] për të shpallur fitore dhe për të kaluar më tej”.
Sipas të njëjtit zyrtar, kjo qasje është bërë më e theksuar ditët e fundit. “Trump ka filluar të mërzitet disi me çështjen e Iranit”, tha ai, duke sqaruar se kjo nuk do të thotë që ai pendohet për vendimet e tij, por se dëshiron ta mbyllë këtë çështje dhe të fokusohet në prioritete të tjera.
