TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë ka ndodhur sot (5 maj) në Kretë të Greqisë.
Një i ri u qëllua për vdekje në Gazi të Heraklionit, kurse autori 54-vjeçar u dorëzua pas sulmit.
Raportet tregojnë se një baba që kishte humbur djalin e tij në një aksident me makinë qëlloi dhe vrau të riun 20-vjeçar, që ai besonte se ishte përgjegjës për aksidentin.
Në aksidentin rrugor që ndodhi tre vjet më parë, djali i 54-vjeçarit ndodhej në sediljen e pasagjerit të makinës që drejtohej nga 20-vjeçari.
Autori i krimit e mbajti 20-vjeçarin përgjegjës për vdekjen e të birit dhe sot e qëlloi katër herë duke e vrarë në mes të rrugës, informon “Protothema”.
Në fakt, 54-vjeçari dyshohet se e ka përplasur qëllimisht automjetin e 20-vjeçarit me qëllim që ta neutralizojë dhe më pas qëllojë atë me armë.
Autori 54-vjeçar u vetëdorëzua në Stacionin e Policisë së Malevizit, duke dorëzuar edhe armën e krimit.
