TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bota po ndjek me vëmendje zhvillimet në Pakistan, ku ka përfunduar faza e parë e bisedimeve mes Shteteve të Bashkuara dhe Iranit për t’i dhënë fund krizës në Lindjen e Mesme, në një klimë të shoqëruar me tensione dhe mosmarrëveshje të thella mes palëve.
Sipas burimeve pranë delegacioneve, pavarësisht përparimit në disa çështje, përfshirë sulmet izraelite në Liban dhe lirimin e aseteve iraniane, dallimet mes palëve mbeten të konsiderueshme.
Tensionet janë përqendruar kryesisht në çështjet strategjike, me Ngushticën e Hormuzit që vazhdon të jetë pika më e fortë e përplasjes në tryezën e negociatave. Pala iraniane ka akuzuar Uashingtonin për qëndrime dhe kërkesa të tepruara, të cilat sipas saj po e vështirësojnë arritjen e një marrëveshjeje.
Një burim pranë ekipit negociator të Teheranit i tha CNN se SHBA ka paraqitur “kërkesa të papranueshme” lidhur me Ngushticën e Hormuzit dhe çështje të tjera kyçe.
Edhe agjencia gjysmëzyrtare iraniane e lajmeve Mehr raportoi se pala amerikane ka vendosur “kërkesa të tepërta”, duke thelluar mosmarrëveshjet mes palëve.
Ndërkohë, “Financial Times”, duke cituar burime të besueshme, shkruan se çështja e kalimit detar mbetet një nga pikat më të kontestuara ashpër. Irani këmbëngul në ruajtjen e kontrollit të Ngushticës së Hormuzit dhe vendosjen e tarifave për anijet, ndërsa ka refuzuar propozimet për menaxhim të përbashkët, duke rritur më tej tensionet në bisedime.
