TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shoqata Gjermane e Industrisë së Automobilëve ka paralajmëruar për pasoja të rënda ekonomike pas vendimit të presidentit amerikan Donald Trump për të vendosur tarifa 25% mbi makinat e importuara nga Bashkimi Evropian.
Presidentja e VDA, Hildegard Müller, deklaroi se kostot do të jenë “të mëdha” si për industrinë automobilistike gjermane, ashtu edhe për atë amerikane.
Sipas saj, tarifat e reja pritet të ndikojnë edhe te konsumatorët në SHBA, të cilët mund të përballen me çmime më të larta për automjetet.
“Ndikimi do të jetë i konsiderueshëm në një kohë që sektori është tashmë nën presion”, u shpreh Müller.
Ajo i bëri thirrje SHBA-së dhe BE-së që të nisin menjëherë bisedimet dhe të respektojnë marrëveshjen ekzistuese tregtare mes palëve.
Sipas VDA, kjo marrëveshje është bllokuar pas vendimit të Gjykata e Lartë e SHBA-së, e cila ka vënë në pikëpyetje ligjshmërinë e tarifave të vendosura nga Uashingtoni në vitin 2025, si dhe për shkak të tensioneve politike, përfshirë deklaratat e Trump për Groenlandën.
Shoqata gjermane e konsideron vendimin e fundit si një goditje të re dhe serioze për marrëdhëniet tregtare transatlantike.
