TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Princi Harry, i cili ka shërbyer në Afganistan, ka nxjerrë një deklaratë në përgjigje të komenteve të Trump mbi NATO-n.
Harry përmendi shërbimin e tij në Afganistan dhe sakrificat e ushtarëve atje në përgjigjen e tij ndaj Donald Trump, i cili kishte deklaruar se forcat e NATO-s në vend ishin “pak prapa vijave të frontit”.
Deklarata e presidentit amerikan shkaktoi reagime nga politikanët në Britani, si dhe nga veteranët dhe familjet e ushtarëve të rënë.
“Në vitin 2001, NATO aktivizoi Nenit 5 për herë të parë dhe të vetme në historinë e saj. Kjo do të thoshte se çdo vend aleat ishte i detyruar të qëndronte pranë Shteteve të Bashkuara në Afganistan, në kërkim të sigurisë sonë të përbashkët. Aleatët iu përgjigjën kësaj thirrjeje".
“Unë kam shërbyer atje. Kam bërë miq për jetën atje. Dhe kam humbur miq atje. Vetëm Mbretëria e Bashkuar pati 457 ushtarë të vrarë. Mijëra jetë u ndryshuan përgjithmonë. Nënat dhe baballarët varrosën bij e bija. Fëmijët mbetën pa prindër. Familjet mbajnë koston. Këto sakrifica meritojnë të flitet për to me të vërtetë dhe me respekt, ndërsa të gjithë mbetemi të bashkuar dhe të përkushtuar ndaj mbrojtjes së diplomacisë dhe paqes.”
UK citizens are sharing old battlefield footage to rebut Donald Trump’s claim that UK forces in Afghanistan “stayed a little back, off the front lines,” circulating clips from 2007–2008 that show Prince Harry serving in active combat zones beside Apache helicopters. https://t.co/F2aFT747iH pic.twitter.com/WFNfEy4A0m
— Open Source Intel (@Osint613) January 23, 2026
Donald Trump tha në një intervistë për Fox të enjten se “nuk ishte i sigurt” nëse aleanca do të ishte në anën e SHBA-së nëse do të kishte ndonjëherë nevojë për të.
Ai shpjegoi se “nuk kemi pasur kurrë nevojë për ta, nuk kemi kërkuar kurrë asgjë prej tyre” dhe shtoi se “Ata do të thonë se dërguan disa trupa në Afganistan. E bënë dhe qëndruan pak prapa, përtej vijave të frontit”.
BBC i ka kërkuar Shtëpisë së Bardhë sqarime mbi deklaratën e presidentit. “Kontributet e SHBA-së në Aleancë janë të jashtëzakonshme krahasuar me vendet e tjera”, tha zëvendës zëdhënësja Anna Kelly, duke shtuar se premtimi i Trump për të rritur buxhetet e mbrojtjes së vendeve të tjera në 5% “e ndihmon Evropën të marrë përgjegjësi më të madhe për mbrojtjen e saj”.
Trump on NATO:
— Polymarket Intel (@PolymarketIntel) January 22, 2026
“I've always said, will they be there if we ever needed them? That's the ultimate test. I'm not sure of that. We've never needed them. They'll say they sent some troops to Afghanistan & this or that. And they did. They stayed a little back, off the front lines” pic.twitter.com/5Tv7EGrEBC
Dhe sigurisht, ajo kujtoi Groenlandën: “SHBA-të janë i vetmi partner i NATO-s që mund të mbrojë Groenlandën. Presidenti është i vetmi që mund të përparojë interesat e NATO-s atje”, tha Kelly. Një total prej 51 vendesh dërguan trupa në Afganistan. Nga këto, 24 regjistruan viktima.
Shumica e vdekjeve ishin amerikane me një total prej 2,465, të ndjekura nga britanikët me 457 dhe kanadezët me 158.
Nëse e përkthejmë numrin e vdekjeve në raport me popullsinë, SHBA-të kishin 7.9 vdekje për milion, Danimarka me 7.7 vdekje, Britania me 7.2 vdekje dhe Estonia me 6.7 vdekje.
