TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qytetarët iranianë duhet të shmangin menjëherë portet përgjatë Gjirit të Hormuzit, pasi aty ndodhen anije të marinës iraniane, të cilat tani konsiderohen “objektiva të ligjshme ushtarake”, paralajmëroi Komanda Qendrore e SHBA-së (Centcom).
Sipas Centcom, Irani po përdor portet për operacione ushtarake që kërcënojnë lundrimin ndërkombëtar. “Kjo veprimtari e rrezikshme kërcënon jetët e njerëzve të pafajshëm. Portet civile që përdoren për qëllime ushtarake humbasin mbrojtjen e tyre dhe bëhen objektiva të ligjshme ushtarake sipas së drejtës ndërkombëtare,” thekson deklarata.
SHBA u bëri thirrje qytetarëve iranianë të shmangin menjëherë çdo port ku operojnë forcat e marinës iraniane, duke përfshirë punonjësit e portit, administratën dhe ekuipazhet e anijeve tregtare, të cilët duhet të qëndrojnë larg anijeve dhe pajisjeve ushtarake iraniane.
Komanda Qendrore amerikane njoftoi gjithashtu se, megjithëse ushtria nuk mund të garantojë sigurinë e qytetarëve, do të marrë të gjitha masat e mundshme për të minimizuar dëmet.
Një njoftim shtesë nga SHBA-të bëri të ditur se 16 anije iraniane që vendosnin mina afër Gjirit të Hormuzit u goditën, duke publikuar edhe video që dokumenton operacionin.
