TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
I dërguari i posaçëm i presidentit amerikan Donald Trump, Steve Witkoff, deklaroi se Uashingtoni shpreson të zhvillojë takime me Irani gjatë kësaj jave lidhur me propozimin me 15 pika, duke theksuar se SHBA nuk do të pranojë një “Kore të Veriut të dytë” në Lindjen e Mesme.
“Besojmë se do të ketë takime këtë javë. Sigurisht që e shpresojmë,” tha Witkoff gjatë një forumi investimesh në Miami, Florida.
Ai bëri të ditur se një marrëveshje me 15 pika është tashmë në tryezë dhe i është paraqitur palës iraniane prej disa kohësh: “Presim një përgjigje prej tyre dhe gjithçka do të zgjidhet.”
Një ditë më parë, Witkoff konfirmoi se i kishte dorëzuar Iranit, përmes Pakistani, një draft me 15 propozime që synojnë arritjen e një marrëveshjeje paqeje.
Ai theksoi se presidenti amerikan synon një zgjidhje diplomatike, por mbështet edhe parimin e “paqes përmes forcës”.
“Pa presion, nuk e sjell askënd në tryezë“, tha ai.
Sipas tij, SHBA është e gatshme të zgjidhë konfliktin përmes diplomacisë, por çdo marrëveshje duhet të përjashtojë mundësinë që Irani të pasurojë uranium.
“Nuk mund të pranojmë një Koreja e Veriut të dytë në Lindjen e Mesme. Kjo do të ishte plotësisht destabilizuese për rajonin dhe për botën”, u shpreh Witkoff.
Kujtojmë se Koreja e Veriut realizoi testin e saj të parë bërthamor në vitin 2006 dhe që atëherë ka zhvilluar vazhdimisht teste raketash me rreze të gjatë veprimi.
