TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Parlamentit të Iranit, Mohammad-Bagher Ghalibaf, ka ironizuar deklaratat e presidentit amerikan Donald Trump, i cili ka pretenduar se SHBA-të e kanë mposhtur Iranin.
Në një reagim në rrjetin social X, Ghalibaf tha se Trump “ka pretenduar se na ka ‘mundur’ nëntë herë gjatë dy javëve të fundit”, duke shtuar: “Sa qesharake!”.
Nuk është e qartë se cilave deklarata i referohej saktësisht zyrtari iranian, por Trump ka pohuar disa herë se SHBA-të po e fitojnë përballjen me Iranin.
Një ditë më parë, Trump shkroi në platformën Truth Social se Shtetet e Bashkuara e kanë “mundur dhe shkatërruar plotësisht Iranin, ushtarakisht, ekonomikisht dhe në çdo mënyrë tjetër”. Në një tjetër postim ai shtoi se Irani është “plotësisht i mundur dhe kërkon një marrëveshje”, por theksoi se nuk do të pranonte një marrëveshje të tillë.
