TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në një atmosferë të relaksuar dhe miqësore, që vetëm një Donald Trump mund ta krijonte, presidenti amerikan u takua të hënën me presidentin e përkohshëm të Sirisë, Ahmed al-Sharaa, në Zyrën Ovale.
Mysafiri, për kokën e të cilit vetëm një vit më parë ishte vënë një shpërblim prej 10 milionë dollarësh, mbërriti në Zyrën Ovale për një takim me Donald Trump.
Takimi u zhvillua larg gazetarëve dhe kamerave, por me fotografë zyrtarë të pranishëm qëndruan për të kapur skenën unike.
Trump i dhuroi presidentit sirian shishe parfumi dhe madje e spërkati, ashtu si edhe një anëtar tjetër i delegacionit sirian.
“Është parfumi më i mirë! Dhe tjetri është për gruan tënde”, i tha ai Al-Sharaa.
Por Trump e pyeti menjëherë, duke vijuar diskursin për temën e grave:
“Sa gra ke?”
“Një”, u përgjigj presidenti sirian, duke nxitur komentin e Trump:
“Një? Me djem si ty, nuk i dihet kurrë!”.
Trump sprays Syrian President Ahmed Al-Sharaa with his "Victory" cologne at the White House. pic.twitter.com/DrjHzLnHYb
— Ariel Oseran أريئل أوسيران (@ariel_oseran) November 12, 2025
Parfumi duket të jetë ai që Trump e ka publikuar nën emrin 45-47 (sepse ai është presidenti i 45-të dhe i 47-të i Shteteve të Bashkuara) me një çmim mjaft të lartë, 249 dollarë për versionet për burra dhe gra.
Në të njëjtën kohë me takimin, SHBA-të pezulluan sanksionet kundër Sirisë për 180 ditë të tjera me urdhër të Trump. Megjithatë, është mjaft e mundur që ato të hiqen plotësisht, por kjo do të kërkojë një votim në Kongres.
Al-Sharaa tha se i ofroi Trump dhurata simbolike, kopje të objekteve të lashta siriane.
