TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rusia nuk ka synime të vrasë presidentin ukrainas, Volodymyr Zelensky, tha Zëvendës Përfaqësuesi i Parë i Përhershëm rus në Kombet e Bashkuara, Dmitry Polyansky.
“A mendoni vërtet se nëse do të donim të godisnim autokolonën e Zelenskyt, nuk do të ishim në gjendje ta bënim? Mundohuni t’i përgjigjeni kësaj pyetjeje, por jini të sinqertë,” tha Polyansky duke folur në seancën e Këshillit të Sigurimit të OKB-së për Ukrainën, raporton Tass.
"Duke marrë parasysh që të gjithë e dini mirë se një goditje e ngjashme në objektet ushtarake në Odessa shkatërroi një qendër prodhimi që prodhonte drone detare, duke i montuar ato nga komponentët e furnizuar nga Mbretëria e Bashkuar.
Ky objektiv ishte shumë më i rëndësishëm për ne nëse krahasohet me Zelenskyn, i cili vazhdon të endet përgjatë zonës së vijës së parë duke bërë selfie në qytete përpara se ato të çlirohen nga trupat ruse.
Nëse disa prej jush shpresojnë të heqin qafe udhëheqësin e regjimit të Kievit në këtë mënyrë, më duhet t’ju zhgënjej, kjo nuk është në planet tona”, deklaroi Polyansky.
