TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari amerikan i Shtetit, Marco Rubio, ka deklaruar se Shtetet e Bashkuara do të përcaktojnë hapat e tyre të ardhshëm ndaj Venezuelës bazuar në veprimet konkrete të qeverisë venezueliane në ditët në vijim.
Deklarata vjen pas komenteve të zëvendëspresidentes së Venezuelës, Delcy Rodríguez, e cila më herët mohoi se kishte plane për bashkëpunim me Uashingtonin pas kapjes së Nicolás Maduro-s.
“Ne do t’i gjykojmë ata nga veprimet dhe nga ajo që bëjnë, jo nga ajo që thonë,” tha Rubio, duke theksuar se situata mbetet e hapur dhe në zhvillim.
Në një prononcim për New York Times, Rubio iu referua drejtpërdrejt zyrtarëve venezuelianë, duke sugjeruar se ata ndodhen përballë një momenti historik:
“Ne mendojmë se ata kanë përpara disa mundësi unike dhe historike për t’i shërbyer vendit të tyre në mënyrë të madhe, dhe shpresojmë që ta pranojnë këtë mundësi.”
Mesazhi i Uashingtonit shihet si një sinjal i qartë se politika amerikane ndaj Venezuelës do të varet nga vendimet konkrete që do të merren nga Karakasi, në një periudhë kyçe për të ardhmen politike të vendit.
