TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
SHBA-të kanë rënë dakord të lirojnë asetet e ngrira të Iran, të mbajtura në Katar dhe në banka të tjera të huaja, ka deklaruar për Reuters një burim i lartë iranian.
Sipas të njëjtit burim, Teherani e konsideron këtë hap si një sinjal serioz për arritjen e një marrëveshjeje të qëndrueshme paqeje, në prag të bisedimeve që pritet të zhvillohen në Pakistan.
Burimi, i cili kërkoi të mbetet anonim për shkak të ndjeshmërisë së çështjes, tha gjithashtu se lirimi i aseteve “lidhet drejtpërdrejt me garantimin e kalimit të sigurt përmes Ngushticës së Hormuzit”.
Nga ana tjetër, Shtetet e Bashkuara nuk kanë dhënë ende një koment zyrtar dhe detajet e negociatave në Islamabad nuk janë bërë publike, ndonëse në prag të tyre janë shënuar deklarata të shumta nga të dyja palët.
Ndërkohë, zëvendëspresidenti i parë i Iranit, Mohammad Reza Aref, ka reaguar duke thënë se bisedimet mund të sjellin marrëveshje vetëm nëse SHBA vepron në përputhje me interesat e saj sipas doktrinës “America First”.
Ai shtoi se nuk do të ketë marrëveshje nëse, sipas tij, palët përballen me “Izraelin e parit”, duke paralajmëruar se dështimi i negociatave mund të çojë në përshkallëzim dhe kosto më të mëdha globale.
