TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zyrtarë të lartë të Partisë Republikane kanë shprehur shqetësim për planin e presidentit Donald Trump për tërheqjen e trupave amerikane nga Gjermania.
Senatori Roger Wicker dhe kongresmeni Mike Rogers, që drejtojnë komisionet e Forcave të Armatosura në Senat dhe në Dhomën e Përfaqësuesve, deklaruan se janë “shumë të shqetësuar” për vendimin për tërheqjen e një brigade amerikane nga Gjermania.
Reagimi i tyre vjen pasi Pentagoni njoftoi se do të tërheqë rreth 5 mijë ushtarë nga Gjermania brenda një viti, rreth 15% e forcave të dislokuara në këtë vend.
Sipas ligjvënësve republikanë, Gjermania ka përmbushur kërkesat e SHBA-së duke rritur ndjeshëm shpenzimet për mbrojtjen dhe ka bashkëpunuar në konfliktin me Iran, përfshirë edhe lejimin e fluturimeve ushtarake.
Ata theksuan se, edhe pse aleatët po rrisin buxhetet e mbrojtjes, kjo ende nuk është përkthyer në një nivel të besueshëm parandalimi, ndaj SHBA duhet të ruajë një prani të fortë ushtarake në Evropë.
Sipas tyre, një tërheqje e parakohshme mund të dobësojë efektin parandalues dhe të dërgojë sinjal të gabuar ndaj presidentit rus Vladimir Putin.
Në vend të tërheqjes, ata sugjerojnë që trupat amerikane të zhvendosen drejt lindjes së Evropës, për të forcuar sigurinë në rajon.
