TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Komisioni Evropian ka dënuar vendimin e Shteteve të Bashkuara për të vendosur kufizime udhëtimi ndaj pesë qytetarëve evropianë, mes tyre edhe ish-komisioneri evropian Thierry Breton.
Në një deklaratë zyrtare, Komisioni thekson se ka kërkuar sqarime nga autoritetet amerikane dhe mbetet në kontakt të vazhdueshëm me ta, ndërsa paralajmëron se, nëse do të jetë e nevojshme, nuk do të hezitojë të reagojë kundër këtyre “masave të pajustifikuara”.
Deklarata e plotë e Komisionit Evropian: “Liria e shprehjes është një e drejtë themelore në Evropë dhe një vlerë bazë e përbashkët me Shtetet e Bashkuara në të gjithë botën demokratike.
Bashkimi Evropian është një treg i përbashkët i hapur dhe i bazuar në rregulla, me të drejtën sovrane për të rregulluar aktivitetin ekonomik në përputhje me vlerat tona demokratike dhe angazhimet ndërkombëtare.
Rregullat tona digjitale sigurojnë kushte të sigurta, të drejta dhe të barabarta konkurrence për të gjitha kompanitë dhe zbatohen në mënyrë të paanshme dhe pa diskriminim.
Ne kemi kërkuar sqarime nga autoritetet amerikane dhe mbetemi në kontakt. Nëse do të jetë e nevojshme, do të reagojmë menjëherë dhe me vendosmëri për të mbrojtur autonominë tonë rregullatore ndaj masave të pajustifikuara.”
Sanksione ndaj pesë personaliteteve në Evropë
Shtetet e Bashkuara njoftuan të martën vendosjen e sanksioneve ndaj pesë personaliteteve evropiane që mbështesin rregullime më të rrepta për shërbimet digjitale. Sanksionet përfshijnë ndalim hyrjeje, qëndrimi dhe çdo aktiviteti në SHBA, me në krye ish-komisionerin francez Thierry Breton.
Departamenti i Shtetit e justifikoi vendimin duke deklaruar se veprimet e këtyre personave synojnë vendosjen e “censurës” ndaj interesave amerikane.
Katër personat e tjerë të sanksionuar janë drejtues të organizatave joqeveritare që luftojnë kundër dezinformimit dhe gjuhës së urrejtjes në internet: Imran Ahmed, Claire Melford, Anna-Lena von Hodenberg, themeluese e organizatës gjermane HateAid, si dhe Josephine Ballon, drejtoreshë ekzekutive e së njëjtës OJQ.
Sanksionet janë vendosur si kundërpërgjigje ndaj përpjekjeve në Evropë për ashpërsimin e rregullave që lidhen me platformat digjitale, të cilat qeveria amerikane i konsideron si “censurë”. Ish-komisioneri francez Thierry Breton, një nga figurat kyçe të rregullimit evropian, është mes personave të përfshirë në këto masa.
Sipas Marco Rubio-s, përpjekjet evropiane synojnë të “ndëshkojnë” platformat digjitale amerikane dhe të heqin përmbajtje me të cilat zyrtarët evropianë nuk pajtohen.
“Prej shumë kohësh, ideologë në Evropë po ndërmarrin përpjekje të koordinuara për të detyruar platformat digjitale amerikane të ndëshkojnë pikëpamje amerikane që ata i kundërshtojnë”, deklaroi shefi i diplomacisë amerikane Marco Rubio përmes platformës X.
“Administrata e presidentit amerikan Donald Trump nuk do të tolerojë më veprime kaq flagrante të censurës jashtë territorit amerikan”, shtoi ai.
Nga ana e tij, Thierry Breton kujtoi se 90% e Parlamentit Evropian dhe të 27 shteteve anëtare të BE-së votuan unanimisht pro Rregullores për Shërbimet Digjitale (DSA), duke theksuar se “censura nuk ndodhet aty ku mendoni”, në një mesazh drejtuar “miqve amerikanë”.
We strongly condemn the U.S. decision to impose travel restrictions on five European individuals, including former Commissioner Thierry Breton.
— European Commission (@EU_Commission) December 24, 2025
Link to full statement: https://t.co/d8zwBd2sL8 pic.twitter.com/i0c75f3ePs
