TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i zgjedhur i Hungarisë, Péter Magyar, ka akuzuar ministrin e Jashtëm në largim, Péter Szijjártó, se ka shkatërruar dokumente konfidenciale që lidhen me sanksionet në Ministrinë e Punëve të Jashtme, duke iu referuar burimeve të brendshme gjatë një konference për shtyp në Budapest të hënën. Ministria ende nuk ka reaguar.
Péter Magyar i bëri këto deklarata gjatë një konference për shtyp në Budapest, një ditë pasi ai dhe partia e tij, Tisza, siguruan një fitore dërrmuese në zgjedhje, duke marrë një shumicë prej dy të tretash në parlamentin hungarez, raporton Euronews.
Gjatë fushatës zgjedhore, Péter Szijjártó është akuzuar se ka mbajtur lidhje të ngushta me homologun e tij rus, Sergey Lavrov, dhe se i ka ofruar ndihmën e Hungarisë për të hequr individë rusë nga lista e sanksioneve të Bashkimi Evropian.
Magyar mori një shënim gjatë konferencës për shtyp, të cilin e ndau menjëherë me gazetarët.
“Sa mora këtë informacion dhe do ta ndaj me ju. Shumë njerëz menduan se ministri i Jashtëm hungarez, Péter Szijjártó, ishte zhdukur, pasi nuk u pa dje gjatë fjalimit të fitores së Viktor Orbán,” tha Magyar.
“Sot në orën 10 të mëngjesit ai u paraqit në Ministrinë e Punëve të Jashtme dhe që nga ai moment, ai dhe bashkëpunëtorët e tij më të afërt po shkatërrojnë dokumente që lidhen me materialet e sanksioneve.”
Magyar shtoi se informacioni vjen nga burime të brendshme në ministri, ku shumë zyrtarë po ndihmojnë aktivisht Partinë Tisza.
“Kjo është ajo që po ndodh tani në Hungari. Prej ditësh kemi dijeni se ka nisur shkatërrimi i dokumenteve, jo vetëm në ministri, por edhe në institucione të tjera të lidhura me elitat e Orbán,” tha ai.
