TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Irani është i gatshëm të pranojë “çdo verifikim” të programit të tij bërthamor dhe nuk kërkon të sigurojë armë atomike, tha Presidenti Masoud Pezheskian, me rastin e 47-vjetorit të Revolucionit Islamik.
Festimet e përvjetorit u zhvilluan në një atmosferë të tensionuar, në sfondin e kërcënimeve ushtarake nga Shtetet e Bashkuara dhe rifillimit të bisedimeve midis Teheranit dhe Uashingtonit mbi çështjen bërthamore.
“Ne nuk kërkojmë të sigurojmë armë bërthamore. E kemi deklaruar këtë vazhdimisht dhe jemi të gatshëm për çdo verifikim”, tha Pezheskian, duke theksuar se qëndrimi i Teheranit mbetet i fortë.
Në një fjalim në sheshin Azadi në kryeqytet, presidenti iranian theksoi se vendi i tij “nuk do t’i nënshtrohet kërkesave të tepërta” pas rifillimit të kontakteve me Shtetet e Bashkuara. “Vendi ynë, Irani, nuk do t’i nënshtrohet kërkesave të tyre të tepërta”, tha ai. “Irani ynë nuk do të tërhiqet përballë agresionit, por ne vazhdojmë dialogun me të gjitha forcat tona me vendet fqinje për të vendosur paqen dhe qetësinë në rajon”.
