TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vendet e Evropës Perëndimore si edhe disa shtete në Shtetet e Bashkuara të Amerikës po përballen me probleme për shkak të motit të keq me reshje të dendura bore në shumë zona.
Në veçanti, më shumë se 3,300 fluturime u vonuan dhe 1,700 u anuluan për dhe nga SHBA të dielën, sipas BBC, për shkak të motit të keq.
Sipas të dhënave, Aeroporti Ndërkombëtar i Kansas City ka qenë më i godituri për fluturimet dalëse, me 86% të tyre të anuluara.
Të dielën, paralajmërimet për stuhitë hynë në fuqi për disa zona në Kansas, Nebraskës dhe Misurit, duke përfshirë Kansas City.
Në të njëjtën kohë, paralajmërimet për stuhi janë aktive edhe për Baltimores, Uashington dhe Richmondit, vende të cilat po përballen me probleme të rënda të qarkullimit.
Në shtetin e Nju Jorkut, reshjet e vazhdueshme të borës kanë mbuluar zonat pranë Utica. Sipas ABC, vlerësohet se më shumë se 60 milionë amerikanë do të përballen me reshje bore, ngrica ose stuhi të forta.
Siç raporton BBC, ky mund të jetë janari më i ftohtë në SHBA që nga viti 2011.
Britani-Holandë: Probleme me transportin për shkak të reshjeve të mëdha të borës
Dëbora e madhe shkaktoi ndërprerje të konsiderueshme të fluturimeve në Angli këtë mëngjes, me aeroportet e Mançesterit dhe Liverpulit që mbyllën pistat e tyre.
Në West Yorkshire (Anglia veriore), toka u mbulua këtë mëngjes nga 12 centimetra borë, tha Zyra Britanike e Meteorologjisë. Në disa zona në lartësi mbi 300 m ka rënë deri në 40 cm borë.
Reshjet e borës kanë shkaktuar edhe probleme në qarkullimin rrugor. Operatori National Highways tha se shumë rrugë në veri të Anglisë u mbyllën gjatë natës.
Në Hampshire (Anglia jugore), një pjesë e autostradës në drejtim të veriut u mbyll mëngjesin e sotëm për shkak të përmbytjeve të shkaktuara nga bora gjatë natës, sipas National Highways. Kompania administruese paralajmëron mundësinë e ngricave në shumë rrugë.
Gjermani: Kaos në aeroporte
Në të njëjtën kohë, probleme në qindra fluturime për dhe nga Gjermania ka shkaktuar moti i keq. Anulime dhe vonesa kanë ndodhur në aeroportet e Frankfurtit, Mynihut dhe Shtutgartit.
Mediat e huaja raportojnë për vonesa dhe anulime në aeroportet e Frankfurtit, Mynihut dhe Shtutgartit.
Problemet më serioze janë konstatuar në aeroportin e Frankfurtit, të paktën 120 ulje dhe ngritje nga 1090 që ishin planifikuar fillimisht për sot janë anuluar, tha një përfaqësues i kompanisë menaxhuese të aeroportit, Fraport, për agjencinë gjermane të lajmeve dpa.
Në aeroportin e Mynihut, problemet janë më të kufizuara, pasi ka me pak vonesa lidhur me oraret e fluturimeve.
Probleme për shkak të motit të keq vihen re edhe në funksionimin e hekurudhave, kryesisht në zonën e Frankfurtit, ndërsa autoritetet këshillojnë drejtuesit e mjeteve që të kenë kujdes të veçantë në rrugë, ku mund të ketë borë apo akull.
Në Saksoninë e Poshtme, Bavari dhe Turingi, që nga mbrëmja e djeshme janë regjistruar rreth 120 aksidente rrugore, por pa lëndime të rënda.
