TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Marina e Gardës Revolucionare Iraniane ka deklaruar se që nga kjo mbrëmje Ngushtica e Hormuzit do të konsiderohet e mbyllur, derisa të hiqet ajo që Teherani e cilëson si bllokadë amerikane ndaj porteve iraniane.
Në një deklaratë zyrtare, forcat detare të IRGC paralajmëruan se “asnjë anije nuk duhet të lëvizë nga vendqëndrimi i saj në Gjiri Persik apo në Deti i Omanit”, duke shtuar se çdo shkelje e këtij urdhri do të trajtohet si veprim armiqësor.
Sipas njoftimit, disa anije kanë kaluar përmes ngushticës nën menaxhimin e autoriteteve iraniane gjatë orëve të fundit, por rruga strategjike ujore pritet të mbyllet sërish derisa Shtetet e Bashkuara të Amerikës të tërhiqen nga masat kufizuese ndaj porteve të Iranit.
“Afrimi në Ngushticën e Hormuzit do të konsiderohet bashkëpunim me armikun dhe çdo anije që shkel këtë urdhër do të jetë në shënjestër”, thuhet në deklaratë.
