TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ajo që ndodh më pas në Venezuelë pas trazirave të sotme mbetet jashtëzakonisht e paqartë. Kushtetuta e vendit përcakton që pushteti i kalon zëvendëspresidentes së Nicolas Maduros , Delcy Rodriguez. Rodriguez tha se, qeveria nuk e di vendndodhjen e presidentit ose të zonjës së tij të parë, Celia Flores , dhe kërkoi prova se ai është gjallë.
Megjithatë, e ardhmja e regjimit tani është hapur në pikëpyetje, dhe opozita, si brenda ashtu edhe jashtë vendit, ka të ngjarë ta shohë këtë si një mundësi vendimtare. Opozita venezueliane, e udhëhequr nga laureatja e Çmimit Nobel María Machado, pohon se presidenti legjitim është politikani në mërgim Edmundo González.
Sipas te huaja, në këtë klimë pasigurie, po shfaqen disa skenarë të mundshëm, ajo e rrugës kushtetuese,- Neni 233, në atë që Kushtetuta e përcakton si mungesë absolute e presidentit, nënkryetarja ekzekutive, Delcy Rodríguez, merr përkohësisht pushtetin dhe thërret zgjedhjet brenda 30 ditëve. Presidenti i sapozgjedhur shërben një mandat të plotë gjashtëvjeçar.
Rënia e regjimit, figura të larta japin dorëheqjen ose ikin. Kandidati më i mundshëm i opozitës është Edmundo González Urrutia, i cili kandidoi në zgjedhjet e vitit 2024. González, një akademik dhe diplomat karriere, është aktualisht në mërgim në Spanjë. Ai mbështetet nga aktivistja e demokracisë, Maria Corina Machado, e cila është vlerësuar së fundmi me Çmimin Nobel për Paqen.
Duke folur në Oslo muajin e kaluar pasi mori çmimin, Machado tha se lëvizja e saj po përgatitej për një tranzicion të qetë dhe paqësor, sapo Maduro të largohej. Në dhjetor, ajo tha se González i kishte ofruar asaj pozicionin e nënkryetares dhe se shumica dërrmuese e policisë dhe forcave të armatosura do të ndiqnin urdhrat e qeverisë së re sapo të fillonte tranzicioni politik. Marrja e pushtetit nga ushtria. Ministri aktual i Mbrojtjes Vladimir Padrino Lopez foli pas sulmeve amerikane të shtunën në mëngjes, duke deklaruar se Venezuela do t'i rezistonte pranisë së trupave të huaja në vend. Ky pushtim përbën fyerjen më të madhe që vendi ka pësuar ndonjëherë. shtoi ai.
