TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri suedez, Ulf Kristersson deklaroi sot se mundësia e pranisë së armëve parandaluese bërthamore franceze në tokën suedeze në kohë paqeje ishte në kundërshtim me doktrinën e përcaktuar nga Stokholmi, ndërsa pranoi se një luftë mund ta ndryshonte këtë qëndrim.
Kur u pyet sot për mundësinë e strehimit të armëve bërthamore franceze në Suedi, kryeministri Ulf Kristersson i tha medias se “ne kemi një doktrinë të qartë në Suedi, sipas së cilës, ne nuk kemi trupa të huaja të stacionuara përgjithmonë në tokën suedeze në kohë paqeje”.
Sipas Kristersson, “kjo doktrinë është në fuqi, prandaj prania e armëve bërthamore franceze në Suedi nuk është një opsion”.
”Por, nëse do të kishte një luftë që, në një mënyrë ose në një tjetër, do të na prekte, atëherë do të ishte një situatë krejtësisht e ndryshme”, sqaroi ai të premten gjatë një vizite në Malmo, ku po qëndron aeroplanmbajtësja franceze ”Charles de Gaulle”.
Ky vend nordik i dha fund dy shekujve të mosangazhimit ushtarak duke u bërë anëtari i 32-të i NATO-s në mars 2024, pas pushtimit në shkallë të gjerë të Ukrainës nga trupat ruse në vitin 2022.
Ndërsa Shtetet e Bashkuara dhe Rusia zotërojnë mijëra koka bërthamore, në Evropë, vetëm Franca dhe Mbretëria e Bashkuar zotërojnë armë bërthamore.
Në total, dy vendet evropiane zotërojnë disa qindra koka bërthamore.
Por, ndërsa pasiguria rreth mbështetjes ushtarake amerikane për Evropën është rritur, udhëheqësit evropianë kanë filluar të marrin në konsideratë se si të adresojnë mungesën e një pengese të besueshme në kontinent.
