TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Izraeli ka nisur sulme të shumta në të gjithë Libanin jugor, duke vrarë të paktën 10 njerëz në shkelje të mëtejshme të armëpushimit të shpallur dy javë më parë. Ministria e Shëndetësisë e Libanit tha se vala e fundit e sulmeve rriti numrin e vikimave duke e çuar në 41. Numri i përgjithshëm i vdekjeve që nga 2 marsi është 2,659, me 8,183 të plagosur.
Një sulm i mëparshëm në një makinë në fshatin Kfar Dajjal vrau dy persona. Tre të tjerë u vranë kur një shtëpi u godit në fshatin Lwaizeh, ndërsa një sulm në fshatin Shoukin vrau dy persona. Forcat izraelite kryen një sulm ajror pranë rrethrrotullimit al-Quds në qytetin Nabatieh dhe avionët luftarakë sulmuan qytetin Siddiqine në rrethin Tyre.
Hezbollahu thotë se sulmet do të vazhdojnë
Mediat shkruajnë se pavarësisht rritjes së numrit të vdekjeve, Hezbollahu ka deklaruar se do të vazhdojë sulmet ndaj forcave izraelite brenda territorit libanez.
Grupi tha se kishte shënjestruar tubime të shumta ushtarësh dhe automjetesh izraelitë në disa qytete të vijës së parë në jug të Libanit. Sulmet përfshinin sulme artilerie ndaj trupave pranë kompleksit Moussa Abbas në Bint Jbeil dhe fshatit Hula. Dronët u përdorën për të sulmuar ushtarët në Biyyada.
