TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Mbrojtjes, Israel Katz, njoftoi sot se Forcat Mbrojtëse të Izraelit kanë sulmuar uzinën më të madhe petrokimike në Iran, të vendosur në Asaluyeh.
Sipas tij, me këtë operacion dhe një tjetër të kryer javën e kaluar, dy uzinat kryesore petrokimike të Iranit, të cilat së bashku përbëjnë rreth 85% të eksporteve totale petrokimike të vendit.
“IDF ka sulmuar në mënyrë agresive objektin më të madh petrokimik të Iranit të vendosur në Asaluyeh - një objektiv kryesor përgjegjës për rreth 50% të prodhimit petrokimik të vendit, pasi u sulmua objekti i dytë i madh javën e kaluar”, tha Katz.
Të dy sulmet përbëjnë “një goditje të rëndë ekonomike për regjimin iranian, që arrin në dhjetëra miliarda dollarë”.
“Kryeministri izraelit Benjamin Netanyahu dhe unë i kemi udhëzuar IDF-të që të vazhdojnë të sulmojnë infrastrukturën kombëtare të regjimit terrorist iranian me të gjitha fuqitë e tyre”, shtoi Katz. “Regjimi terrorist iranian do të zbulojë se agresioni i vazhdueshëm kundër Izraelit dhe sulmi frikacak dhe kriminal ndaj qytetarëve izraelitë do të çojë në thellimin e dëmit ekonomik dhe strategjik që po paguan dhe në rrëzimin e aftësive të tij.”
Sulmet e Izraelit vijnë pas atyre të së shtunës, kur avionët luftarakë goditën një kompleks petrokimik në jugperëndim të Iranit. Sipas ushtrisë izraelite, objekti ishte thelbësor për prodhimin dhe eksportin e materialeve kimike për forcat e armatosura iraniane, përfshirë një “komponent kritik për raketat balistike” të përdorura kundër Izraelit.
