TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rusët vazhduan raportet e djeshme për një tentativë sulmi nga Ukraina me dronë ndaj shtëpisë së Vladimir Putinit.
Pas ministrit të Jashtëm, Sergei Lavrov, ka reaguar sot edhe zëvendëskryetari i Këshillit të Sigurisë Ruse, Dmitry Medvedev.
Duke përdorur retorikën e tij të njohur ekstreme, Medvedev sulmoi – përmes një postimi në X – Volodymyr Zelensky, duke e përshkruar atë si një “kopil nga Kievi” i cili duhet të “fshihet për pjesën tjetër të jetës së tij të padobishme”.
“Kopili i ndyrë nga Kievi po përpiqet të minojë zgjidhjen e konfliktit. Ai dëshiron luftë. Epo, tani të paktën duhet të qëndrojë i fshehur për pjesën tjetër të jetës së tij të padobishme”, shkroi Medvedev në mënyrë karakteristike dhe ironi fyese.
Dje, Sergei Lavrov raportoi se Ukraina u përpoq të godiste rezidencën e Presidentit rus Vladimir Putin në rajonin e Novgorodit me një sulm masiv me dronë.
Sipas tij, sulmi ndodhi në orët e para të 29 dhjetorit. Lavrov siguroi se Rusia nuk do ta linte pa përgjigje sulmin me dronë ukrainas.
Në të njëjtën kohë, ai theksoi se qëndrimi negociues i Moskës do të rishikohej pas sulmit ndaj rezidencës presidenciale. Megjithatë, ai këmbënguli se Rusia nuk ka ndërmend të tërhiqet nga procesi i negociatave për planin e paqes.
Sipas pretendimeve ruse, të gjitha dronët u kapën, pa asnjë informacion në lidhje me lëndime ose dëmtime në infrastrukturë.
Por vetë Zelensky në reagimin e tij të menjëhershëm po në rrjetin social, i cilësoi ato si gënjeshtra dhe pretendime që nuk qëndronin.
