TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka sulmuar ashpër Papa Leonin, duke e cilësuar “të dobët” dhe “të paaftë në politikën e jashtme”.
Në një postim në platformën Truth, Trump tha se Papa nuk ka treguar vendosmëri përballë krizave globale dhe e akuzoi se ka qenë i butë ndaj Iranit.
Ai shtoi se “po të mos isha unë në Shtëpinë e Bardhë, Leoni nuk do të ishte në Vatikan”, duke e lidhur zgjedhjen e Papës me rolin e tij në politikën amerikane. Ai thekson zgjedhja e Papa Leonit ishte një surprizë e papritur nga Kisha.
Trump e krahasoi Papën me vëllain e tij Louis, të cilin e përshkroi si mbështetës të Lëvizjes Maga dhe më të përshtatshëm për të kuptuar sfidat politike. Ai theksoi se nuk dëshiron një Papë që e konsideron të pranueshme posedimin e armës bërthamore nga Irani.
Ndërkohë, Irani ka reaguar ashpër ndaj planeve amerikane për bllokimin e ngushticës së Hormuzit, duke paralajmëruar se një veprim i tillë do të çonte në rritje të mëtejshme të çmimeve të karburantit. “Do të pendoheni për këto çmime”, tha një zyrtar iranian.
Pas kthimit nga Mar-a-Lago në Uashington, Trump deklaroi për gazetarët se “nuk më intereson nëse Irani kthehet në tryezën e negociatave”, duke lënë të hapur mundësinë e përshkallëzimit të tensioneve.
Vatikani reagon pas kritikave të Trump: Pushteti politik nuk e përballon zërin moral! Papa flet një gjuhë tjetër
Vatikani ka reaguar pas sulmeve të presidentit Donald Trump kundrejt Papa Leone XIV. Në një postim në X, prifti Antonio Spadaro shkruan:
“Donald Trump synon Papa Leone XIV dhe në këtë mënyrë zbulon një shqetësim më të thellë. Kur pushteti politik kthehet kundër një zëri moral, shpesh kjo ndodh sepse nuk mund ta përballojë atë. Trump nuk e diskuton Leonen; ai i lutet të kthehet në një gjuhë që ai mund ta kontrollojë. Por Papa flet një gjuhë tjetër, që nuk mund të shndërrohet në gramatikën e forcës, sigurisë apo interesit kombëtar”, thotë Spadaro.
“Në këtë kuptim, sulmi është një deklaratë impotence. I paaftë për të përthithur atë zë, pushteti përpiqet ta delegjitimojë atë. Megjithatë, duke vepruar kështu, ai pranon në mënyrë të nënkuptuar peshën e tij. Nëse Leone do të ishte i parëndësishëm, nuk do të meritonte asnjë fjalë. Përkundrazi, ai përmendet, emërohet, kundërshtohet, një shenjë se fjalët e tij kanë rëndësi.
Këtu shfaqet forca morale e Kishës. Jo si një kundërfuqi, por si një hapësirë në të cilën pushteti gjykohet nga një standard që nuk e kontrollon. Leone nuk përgjigjet në terrenin e polemikës dhe pikërisht për këtë arsye mbetet jashtë mundësive të saj. Ai është i lirë. Dhe kjo liri, e paarmatosur dhe çarmatosëse është ndoshta ajo që shqetëson më shumë. Njëkohësisht, ajo që ka më shumë rëndësi”, përfundon ai.
