TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ukraina goditi tubacionin e naftës Druzhba, në rajonin Tambov të Rusisë qendrore.
Lajmi u bë me dije nga një burim pranë shërbimit të sigurisë ushtarake të Ukrainës (GUR). Ky është sulmi i pestë ukrainas ndaj tubacionit që furnizon me naftë ruse Hungarinë dhe Sllovakinë, sipas “Reuters”.
Hungaria dhe Sllovakia vazhdojnë të furnizohen me produkte energjie nga Rusia, edhe pasi vendet e tjera të Bashkimit Evropian i ndërprenë lidhjet pas pushtimit të Ukrainës në vitin 2022.
Mediat ukrainase raportuan se sulmi përfshinte eksplozivë të shpërthyer nga distanca me telekomandë.
Operatori sllovak i tubacionit dhe kompania hungareze e naftës dhe gazit thanë më vonë të hënën se furnizimet përmes tubacionit Druzhba po funksiononin normalisht. Nuk pati asnjë koment nga Rusia.
Friendship is over: the “Druzhba” oil pipeline to Europe has been blown up again in Russia
This time the strike hit a section near the village of Kazinskiye Vyselki on the Taganrog–Lipetsk line.
Damage to one of Russia’s key oil arteries shows just how vulnerable its energy… pic.twitter.com/kJwrbLaPKc
— NEXTA (@nexta_tv) December 3, 2025
Ukraina sulmoi tubacionin një herë në mars, dy herë në gusht dhe një herë në shtator të këtij viti.
Kievi thotë se sulmet e tij ndaj objektivave energjetikë në përgjigje të sulmeve të vazhdueshme të Rusisë ndaj Ukrainës synojnë të minojnë përpjekjet e përgjithshme të luftës së Moskës.
Hungaria dhe Sllovakia janë pro importit të naftës ruse dhe kanë vendosur veto ndaj BE-së për nismën e bllokimit të gazit dhe naftës ruse si një sanksion për luftën në Ukrainë. Të dy shtetet cilësohen si aleate të Moskës në fushën ekonomike, pasi refuzojnë sanksionet.
