TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i një klani mafioz italian, Ciro Andolfi, i cili ishte në kërkim që nga viti 2022 dhe në listën e 100 të arratisurve më të rrezikshëm të Ministrisë së Brendshme, u arrestua në zonën Barra të Napolit.
49-vjeçari ishte dënuar me 8 vjet, 3 muaj e 10 ditë burg për krime që përfshijnë pjesëmarrje në një organizatë kriminale të tipit mafioz, zhvatje duke përdorur metoda mafioze dhe korrupsion.
Por ajo që ra në sy ishte skema e perfeksionuar e fshehjes së tij.
Ai u arrestua në Via Giulia Lama, ku u gjet i fshehur në një hapësirë të ndërtuar posaçërisht brenda murit të apartamentit të tij, një lloj kripte apo dhome sekrete, pak a shumë si ato të narkosit kolumbian të vëllezërve Rodriguez, apo skenave nga “Gomorrah” italiane.
Hyrja e strehës ishte e padukshme, pasi Andolfi kishte krijuar një hapje në mur, e cila ishte e mbuluar nga një radiator.
Kjo metodë e thjeshtë e kishte ndihmuar atë të mbetej i padukshëm për tre vjet, por arratia përfundoi sot.
