TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Venezuelës, Nicolas Maduro, me rastin e Ditës së Studentit në këtë vend, priti një grup të rinjsh në pallatin Miraflores, dhe gjatë vizitës së tyre ai madje edhe kërceu.
Maduro dhe studentët biseduan për situatën aktuale në Venezuelë, por momenti më interesant padyshim ishte kur presidenti i këtij vendi filloi të kërcente.
Ai u ngrit nga karrigia dhe nisi të kërcente kur u transmetua një ‘remix’ i fjalimeve të tij, ku ai bënte thirrje për paqe me SHBA-të, vend me të cilin Venezuela ka pasur për disa muaj një lloj “lufte”.
Në fakt, me justifikimin se bëhet fjalë për anije që transportojnë narkotikë drejt SHBA-së, ushtria amerikane po kryen një fushatë sulmesh ndaj anijeve në Detin Karaibe.
Përveç kësaj fushate, ka indikacione gjithnjë e më të forta se SHBA-të mund të ndërmarrin një lloj sulmi ushtarak në tokën e Venezuelës, dhe gjithashtu përmendet edhe ndryshimi i regjimit, që kërkohet nga Uashingtoni.
Edhe pse, ashtu si me studentët, Maduro shfaqet i relaksuar në paraqitjet publike, mediat amerikane raportojnë se në Karakas ekziston frika nga një luftë e mundshme me Amerikën, dhe po punojnë mbi një propozim për të qetësuar marrëdhëniet me Uashingtonin.
Meanwhile, in Venezuela, Maduro is having the time of his life.pic.twitter.com/ekweANEoBN
— Clash Report (@clashreport) November 22, 2025
Sot mediat raportuan se kompanitë kryesore ajrore janë paralajmëruar për një “situatë potencialisht të rrezikshme” kur fluturojnë mbi Venezuelë.
Paralajmërimi i Administratës Federale të Aviacionit (FAA) në SHBA vjen vetëm disa ditë pasi aeroplanmbajtësja më e madhe e marinës amerikane, USS Gerald R Ford, mbërriti në Detin e Karaibeve, në atë që është interpretuar si një shfaqje e fuqisë ushtarake dhe një kërcënim i mundshëm për regjimin e Nicolas Maduro të Venezuelës.
