TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Atmosfera festive në New York ka nisur tashmë të ndihet. Ka mbërritur edhe pema e famshme e Krishtlindjes në Rockefeller Center. Bëhet fjalë për një bredh norvegjez që vjen nga East Greenbush, në periferi të Albanyt, kryeqyteti i shtetit të New Yorkut. Pema është pothuajse 23 metra e lartë, peshon 11 tonë dhe është 75-vjeçare.
Ceremonia e ndezjes së dritave do të zhvillohet më 3 dhjetor. Bredhi do të zbukurohet me mbi 50 mijë drita shumëngjyrëshe, të lidhura në një kabllo rreth 8 kilometra të gjatë. Në majë do të vendoset një yll tredimensional me tre milionë kristale dhe peshë rreth 400 kilogramë.
Këtë vit, për herë të parë, blerësit e biletave për observatorin “Top of the Rock” do të kenë mundësinë të zgjedhin një opsion që u mundëson pamje të pemës gjatë ngjitjes drejt platformës së vëzhgimit.
