TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pronari mysliman i një dyqani pranë plazhit Bondi në Sidney të Australisë, ku ndodhi masakra me të paktën 12 të vrarë dhe 29 të plagosur, u përlesh dhe çarmatosi një nga autorët e sulmit terrorist.
Pamjet janë bërë virale në rrjet, teksa tregtari mbeti edhe vetë i plagosur, pasi u qëllua nga bashkëpunëtori i terroristit, që ishte mbi urë.
Pronari i dyqanit është dërguar në spital për ndërhyrje kirurgjikale, tha një i afërm i tij për mediat australiane.
Duke folur për 7NEWS, një burrë me emrin Mustafa, e identifikoi pronarin si kushëririn e tij mysliman 43-vjeçar, Ahmed al-Ahmed, baba i dy fëmijëve. Ai tha se 43-vjeçari, pronar i një dyqani ushqimesh, nuk kishte përvojë me armët dhe rastësisht ndodhej në vendngjarje kur vendosi të rrezikonte jetën e tij për t’u përballur me personin e armatosur.
Një video që qarkullon në mediat sociale tregon burrin duke iu afruar personit të armatosur nga pas, ndërsa ky po qëllonte pa dallim ndaj civilëve që përpiqeshin të iknin. Pamjet e tregojnë atë duke e imobilizuar, duke i rrëmbyer armën dhe duke e kthyer nga vetja, duke e detyruar të zvarritet prapa përpara se të ikte drejt personit të dytë të armatosur, i cili vazhdoi të qëllonte.
Pasi e çarmatosi sulmuesin, burri ngriti duart lart për t’ua bërë të qartë çdo oficeri policie aty pranë se nuk përbënte kërcënim. Më pas e hodhi armën në tokë dhe u largua.
Sipas Mustafës, kushëriri i tij u plagos dy herë nga të shtënat me armë zjarri, ndoshta nga sulmuesi i dytë, dhe u dërgua në spital, ku mbetet i shtruar në spital.
“Ai është në spital dhe ende nuk e dimë saktësisht se çfarë po ndodh”, tha ai.
Remember the name, Ahmed El Ahmad.
Fruit shop owner.
Father of two.
43 years old.When chaos erupted at Bondi Beach, he became a shield for innocent lives Jews and Australians alike.
This is what a real hero looks like ❤️#BondiBeach #Australia #Sydney
pic.twitter.com/2xm4otRbRp— Jahanzaib (@jahannzaib_) December 14, 2025
Autoritetet po vazhdojnë hetimin e tyre për incidentin, ndërsa nuk janë dhënë detaje të mëtejshme rreth gjendjes së të plagosurit.
