TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Radio Televizioni i Kosovës ka publikuar një audiopërgjim ku është i përfshirë Fatmir Sheholli, analisti që u arrestua një ditë më parë nën dyshimet për spiunazh me Serbinë.
Në audio, ai bisedon me dy persona, të cilëve iu tregon për lidhjet e tij me Listën Serbe dhe me Milan Radoiçiç, i shpallur në kërkim nga Kosova.
“Unë jam me ta para së gjithash mik i madh, përndryshe edhe punojmë aktivisht. Pozita ime është shumë…për opinionin e çuditshme. Unë kam përkrahje të madhe në Serbi.
Kam përkrahje jashtëzakonisht të madhe nga Lista Serbe, në gjithçka..Prandaj them që është mjaft e çuditshme në opinion, por nga ana tjetër…do të thotë që unë duhet të…miku im i madh është Milan Radoiçiç.
Miku im i madh, edhe mik i tyre. Kjo që po ndodh, këtë që po flasim merre me rezervë”, thotë Sheholli gjatë bisedës.
Një ditë më parë, Prokuroria Speciale e Kosovës njoftoi se pas hetimeve disa mujore, kishin arrestuar Shehollin nën dyshimet për veprën penale “Spiunazh”. Gjithashtu, dje, policia e Kosovës kreu kontrolle në banesën e tij.
Një pjesë e bisedës:
“Edhe ajo që atë e dinë, e dinë që në atë pjesë ka mjaft vehabista, e kështu me radhë
Bashkëbiseduesi: Po, në vendin tonë po
Sheholli: Po në atë kuptim edhe për disa financat e tyre, e kështu me radhë. Më tej nuk do të doja të shkojë të bisedoj me atë institucion sepse pashë që ekziton një mur i vogël. Dua të jem korrekt
Bashkëbiseduesi 2: E qartë
Sheholli: Kjo le të mbetet mes nesh, sepse këtë nuk mund të zgjidhim me ta, këtë duhet ta zgjidhë ose ministri ose direkt presidenti i shtetit. Unë jam me ta para së gjithash mik i mardh, përndryshe edhe punojmë aktivisht…Pozita ime është shumë….për opinionin e çuditshme.
Bashkëbiseduesi 2: Kontroverse. E di, e kuptova
Sheholli: Sepse
Bashkëbiseduesi 2: Mendova që kjo fillimisht ishte një sulm publik(mediatik), disa gjëra kështu…pastaj e kuptova
Sheholli: Për opinionin është ashtu
Bashkëbiseduesi 2: Po
Sheholli: Unë kam përkrahje të madhe në Serbi
Bashkëbiseduesi: Në Serbi?
Sheholli: Kam përkrahje jashtëzakonisht të madhe nga Lista Serbe në gjithçka…
Bashkëbiseduesi: Aha
Sheholli: Ashtu duhet të jetë…e kuptoni…
Bashkëbiseduesi: Po, po, po
Sheholli: Prandaj them që është mjaft e çuditshme në opinion por nga ana tjetër, unë po hapem këtu me ju që ta dini me kënd
Bashkëbiseduesi: Bravo ju qoftë, bravo
Sheholli: Do të thotë duhet të… miku im i madh është Milan Radoiçiqi. Miku im i madh, edhe mik i tyre është. Kjo që po ndodh, që po flasin për të, merre me rezervë, mos fol për të ashtu siç ke folur deri më tani!
