TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prokuroria themelore Publike në Tetovë ka dal me një reagim zyrtar lidhur me ngjarjen e shënuar pasditen e se mërkurës në Tetovë, ku një studente nga Kosova, 25 vjeç e identifikuar si Doarsa Spahiu, u gjet e vdekur.
Sipas autoriteteve, janë kryer hetimet në vendin ku është gjetur trupi i pa jetë i vajzës së re, si dhe në banesën me qira ku ajo qëndronte, por bazuar në të dhënat dhe gjurmët fillestare nuk tregojnë se vdekja është rezultat i ndonjë vepre penale. Megjithatë, është urdhëruar autopsia dhe do të merren në pyetje disa persona, ndërsa hetimet për rastin vijojnë për të konfirmuar shkakun e vdekjes.
Ngjarja u raportua rreth orës 18:30, pasi banorë të lagjes pas Tregut të Gjelbërn në Tetovë njoftuan policinë për trupin e pajetë të gjetur në parkingun e një ndërtese banimi. Dyshimet e para janë se ajo ka rënë nga një objekt në ndërtim e sipër, ndërsa në vendin e ngjarjes janë gjetur edhe disa ilaçe.
Në një reagim zyrtar, Ambasada e Republikës së Kosovës në Shkup konfirmoi se është njoftuar nga policia rajonale e Tetovës për rastin dhe ka vendosur kontakt të drejtpërdrejtë me autoritetet lokale, duke ndjekur nga afër zhvillimin e hetimeve. Viktima ka qenë studente e masterit në universitetin e Tetoves, me origjinë nga Gjakova që ishte vendosur në Maqedoninë e Veriut prej tre vitesh.
