TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i AAK-së, Ramush Haradinaj, i ka akorduar ish-kryeministrit britanik Tony Blair medaljen “Me Besim në Zot, Atdhe e Shtet”.
Kjo në shenjë mirënjohjeje për kontributin në ndalimin e gjenocidit, çlirimin e Kosovës dhe mbrojtjen e së drejtës së shqiptarëve për pavarësi.
Haradinaj ka thënë se kontributi i Blair për lirinë e popullit të Kosovës, është vetëm një dimension i lidershipit të tij të jashtëzakonshëm evropian dhe global, i cili tashmë ka hyrë në kapitullin e historisë britanike, shqiptare dhe botërore.
“Populli i Kosovës është përgjithmonë falënderues për mbështetjen dhe angazhimin e kryeministrit Tony Blair në realizimin e ëndrrës shekullore për liri dhe pavarësi”, ka shkruar Haradinaj në Facebook.
