TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Vlorë është finalizuar operacioni policor i koduar “Porosia”, përmes të cilit është zbardhur dhe dokumentuar në kohë të shpejtë djegia e qëllimshme e një automjeti në pronësi të një punonjësi policie.
Si pasojë e zjarrit, flakët përfshinë edhe një automjet tjetër, duke shkaktuar dëme materiale.
Policia bëri të mundur identifikimin, kapjen dhe ndalimin e autorit të dyshuar të zjarrvënies, shtetasit A. M., 39 vjeç, banues në Vlorë dhe me precedent kriminal. Gjithashtu, është dokumentuar me prova ligjore edhe porositësi i dyshuar i kësaj ngjarjeje, shtetasi L. H., 35 vjeç, i cili ndodhet aktualisht me masë sigurie “Arrest në burg”.
Në cilësinë e provës materiale është sekuestruar edhe automjeti me të cilin lëvizte autori i dyshuar.
Njoftimi i plotë
Vlorë / Finalizohet operacioni policor i koduar “Porosia”.
Policia zbardh dhe dokumenton në kohë të shpejtë djegien e qëllimshme të automjetit në pronësi të një punonjësi policie.
Si pasojë e zjarrit u përfshi nga flakët dhe një automjet tjetër.
Identifikohet, kapet dhe ndalohet autori i dyshuar i zjarrvënies.
Gjithashtu është dokumentuar me prova ligjore dhe porositësi për djegien e automjetit, i cili ndodhet me masë sigurie “Arrest në burg”.
Sekuestrohet, në cilësinë e provës materiale, automjeti me të cilin lëvizte autori i dyshuar.
Si rezultat i veprimeve hetimore intensive dhe profesionale, shërbimet e Policisë bënë të mundur identifikimin, kapjen dhe ndalimin e shtetasit A. M., 39 vjeç, banues në Vlorë, person me precedent kriminal, si autor i dyshuar i zjarrvënies.
Nga hetimet rezulton se ky shtetas më datë 14.04.2026, ka djegur automjetin e markës “Ford C-Max”, në pronësi të punonjësit të Policisë D. P.
Si pasojë e përhapjes së flakëve, është përfshirë dhe është dëmtuar edhe një automjet tjetër i markës “Mercedes-Benz”, në pronësi të shtetasit R. K.
Në vijim të veprimeve hetimore, është bërë identifikimi i porositësit të dyshuar të kësaj ngjarjeje, shtetasit L. H., 35 vjeç, banues në Vlorë, i cili aktualisht ndodhet me masë sigurie “Arrest në burg”.
Nga hetimet paraprake dyshohet se kjo ngjarje ka lidhje me një operacion policor të datës 02.04.2026, gjatë të cilit shërbimet e forcës së posaçme “Shqiponja”, ndër të cilët ishte edhe punonjësi i Policisë D. P., kanë kapur në flagrancë shtetasin L. H., pasi kishte thyer masën e sigurisë “Arrest në shtëpi”, të caktuar nga Gjykata për veprën penale “Prodhimi dhe shitja e narkotikëve”.
