TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti rus Vladimir Putin është ftuar të bashkohet me “Bordin e Paqes” të Presidentit amerikan Donald Trump, komiteti që do të mbikëqyrë rindërtimin e Gazës, tha të hënën zëdhënësi i tij.
Duke folur me gazetarët gjatë një konference të rregullt për shtyp, Dmitry Peskov deklaroi se “Presidenti Putin ka marrë gjithashtu përmes kanaleve diplomatike një ftesë për t’u bashkuar me këtë Bord të Paqes.”
Ai tha se Kremlini po e shqyrton tani ftesën dhe “shpreson të marrë më shumë detaje nga pala amerikane.”
Krijimi i bordit, i kryesuar nga Trump, është një hap kyç në planin amerikan të mbështetur nga Kombet e Bashkuara për çmilitarizimin dhe rindërtimin e Gazës, e cila u shkatërrua nga dy vite luftë mes Izraelit dhe grupit militant Hamas.
I përshkruar nga Trump si “Bordi më i Madh dhe më Prestigjioz i mbledhur ndonjëherë,” komiteti do të përfshijë ish-kryeministrin britanik Tony Blair, kryeministrin kanadez Mark Carney dhe Sekretarin amerikan të Shtetit Marco Rubio.
Presidenti turk Recep Tayyip Erdogan, presidenti argjentinas Javier Milei dhe presidenti egjiptian Abdel Fattah el-Sisi gjithashtu kanë marrë ftesa për t’u bashkuar, sipas deklaratave të tyre ose zyrave të tyre.
Edhe kryeministri Rama ka marrë një ftesë nga Trump, euke e konsideruar si vlerësim për Shqipërinë.
