TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia Kufitare ka arrestuar një të ri nga Kosova pasi po tentonte të trafikonte drogë në Shqipëri.
Operacioni u krye sot nga Policia e Kukësit në pikën kufitare të Morinës. I arrestuari është 33-vjeçari me inicialet H.M., banues në Prizren.
Në cilësinë e provës materiale u sekuestrua edhe sasia e hashashit që po trafikonte me mjetin e tij.
“Si rezultat i verifikimeve dhe kontrolleve të detajuara të kryera në hyrje/dalje të Republikës së Shqipërisë, në bazë të analizës së riskut dhe punës operative, shërbimet e Policisë Kufitare të Morinës, në bashkëpunim me shërbimet e Drejtorisë Vendore të Policisë Kukës, goditën një tjetër rast të tentativës për të trafikuar lëndë narkotike, në Shqipëri. Për rastin u arrestua në flagrancë shtetasi H. M., 33 vjeç, banues në Prizren”, thuhet në njoftimin zyrtar.
Gjatë kontrollit fizik të kryer në vijë të dytë, në hyrje të Shqipërisë, 33-vjeçarit iu gjetën me vete, 101 gramë lëndë e dyshuar narkotike canabis sativa. Bashkë me drogën u sekuestrua edhe automjeti.
“Materialet procedurale iu referuan Prokurorisë së Kukësit, për veprime të mëtejshme”, sqaruan burime zyrtare.
