TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Demokratike, Tritan Shehu nga Gjirokastra u bëri thirrje të gjithë demokratëve që të përgatiten për t’u përballur me regjimin e Edi Ramës dhe për një lëvizje të madhe politike.
Ai tha se ‘regjimet nuk pyesin për votën e lirë, sepse nuk e lejojnë votën e lirë’.
Në fjalën e tij Shuhu u shpreh se nuk ka normalitet në jetën parlamentare për aq kohë sa Sali Berisha ndodhet i burgosur politikisht.
“Dikush mund të ketë folur këto ditë për normalizim. Çfarë normalizimi mund të bëhet fjalë kur trysnia po vjen duke u shtuar.
Jemi në një anormalitet të thellë dhe nuk mund të ketë normalitet në atë parlament për aq kohë sa karrigia e Sali Berishës është bosh.
Rama flet për normalitet dhe marrëveshje. Janë propagandë për të fshehur shkeljen e demokracisë dhe të instalimit të regjimit në Shqipëri. Nuk i them këto për të patur frikë, sepse ju nuk keni frikë.
Duhet të mobilizohemi për tu përballur me regjimet. Regjimet nuk pyesin për votën e lirë, sepse nuk e lejojnë votën e lirë. Ne duhet të përgatitemi për lëvizje të mëdha politike, të ngremë zërin kudo. Të ngremë zërin për burgosjen politike të Sali Berishës”, tha Tritan Shehu.
