TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Baton Haxhiu deklaroi se SPAK nuk e ka përfunduar punën e saj në bashkinë e Tiranës.
Haxhiu ka theksuar se në dosjet e përgatitur nga SPAK ka gjëra që të bëjnë të ulërasësh në vjedhjet e tyre që kanë bërë në taksat e qytetarëve.
"Para disa javësh kam pasur informacione të besueshme se çfarë do të ndodhë me drejtorët e bashkisë së Tiranës. Unë them që ende nuk ka përfunduar procesi dhe do të ketë problematika të tjera rrugës dhe do të përfundojnë në muajin prill. Drejtorët e Tiranës kanë pasur një arrogancë të madhe dhe kanë funksionuar jashtë orbitës dhe brenda një kaste të veçantë dhe fatin në fund dihet. Politikisht ata nuk kanë pasur ndonjë koncept të vetin dhe të vetmen ideologji që ata mbështesnin ishte pasurimi i tyre.
Ata kanë funksionuar mbi këtë vijë politike dhe më vjen keq që ka zgjatur aq kohë procesi ndaj tyre. Ata janë keqpërdorues të funksioneve të tyre dhe kanë probleme serioze edhe gjatë kohës kur ishin të vetmit pa opozitë në bashki. Një pjesë të tyre dosjeve i kam lexuar dhe them që ende nuk kemi parë gjë akoma nga ky grup drejtorësh.", tha ai në emisioni ‘Çim Peka Live’ në Syri tv.
