TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tensionet kanë vijuar në seancën plenare të kësaj të enjteje, ku deputetët e opozitës mbështetës të Sali Berishës, por edhe të grupit tjetër bllokuan foltoren e Kuvendit, ku mungon Edi Rama.
Ndërsa nga vendi deputeti Gazment Bardhi kërkonte fjalën, Nikolla ju drejtua me fjalët “kujdes etikën të kujtoj etikën dhe qytetarinë, nuk e merr fjalën duke bërë kërcënime”.
Ndërkohë që në foltore, rrethuar nga Garda e mori fjalën deputetja Albana Vokshi e cila tha:
“Nuk ka më turp se ky procesverbal, tregon mënyrën si po e keqdrejtoni këtë kuvend. Këtu kam një video. (dhe tregon videon ku flet Rama për ish zyrtarin e FBI)
Nikolla: Ky nuk është procesverbal. Nuk mund të hamendësoni cfarë është e cfarë mungon. Herën e kaluar fjala ju është dhënë po kishit bllokuar foltoren.
Ndërkohë pas kësaj Kuvendi heq audion dhe kryetarja e Kuvendit ia jep fjalën deputetit Gazment Bardhi i cili tha se në seancën e kaluar i është hequr fjala 54 deputetëve të opozitës.
Nikolla: Zoti Bardhi fjala për ju.
Bardhi: Ju thatë që Kuvendi ka një rregullore, në procesverbal mungon fjala e 54 deputetëve të opozitës. Në mënyrë antikushtetuese ju vetëm nga frika që kryeministri të përballej me opozitën për një skandal të përmasave ndërkombëtare i hoqët të drejtën e fjalëve 54 deptuetëve të opozitës.
Deputeti demokrat, Gazment Bardhi, iu drejtua kryetares së Kuvendit Lindita Nikolla duke i thënë se ka shkelur rregulloren në seancën e shkuar, duke i mohuar të drejtën e fjalës 54 deputetëve të opozitës.
Bardhi tha është dakord që të bëhet mocion me debat, me kohë të palimituar, për çështjen e ish-zyrtarit të FBI, Charles McGoigal, dhe përmendjen e emrit të kryeministrit Edi Rama në aktakuzë.
“Në procesverbalin mungon fjala e 54 deputetëve të opozitës. Ju në kundërshtim me rregulloren, vetëm nga frika që kryeministri të përballej me opozitën, i hoqët seancën e shkuar të drejtën e fjalës 54 deputetëve të opozitës. Sipas rregullores në rast se në sallë shkaktohet kaos, drejtuesi pezullon seancën. Nëse kaosi vijon, ndërpritet seanca dhe zhvendoset rendi i ditës. Akti i vetëm që mund të bëni sot, është anulimi i atij procesi të turpshëm votimi, ku u miratuan ligje pa i njohur dhe u dhënë të drejtën kushtetuese deputetëve të opozitës”, tha Bardhi.
