TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kur na ndajnë një vit nga zgjedhjet parlamentare, Partia Demokratike e Rithemelimit po lëviz për të përcaktuar drejtuesit politik nëpër qarqe.
Burime bëjnë të ditur se Luçiano Boçi, nga një veprimtari e gjatë politike në Elbasan, tashmë pritet të lëvizë në një qark tjetër. Mësohet se atij do t'i besohet bastioni historik i demokratëve, Shkodra.
Në zgjedhjet e fundit lokale të 2023-it, demokratët humbën pushtetin mbi këtë qytet. Duket se Luçiano Boçi do të ketë një bast të vështirë për të fituar, për t’u rikthyer demokratëve bastionin e tyre.
Një tjetër qark, i cili sipas burimeve për gazetarin Stafa, i ka tashmë drejtuesit e tij politik është Vlora.
Ky qark do të drejtohet nga Bujar Leskaj dhe Ina Zhupa.
Leskaj do të drejtojë veprimtarinë politike në qytetin e Vlorës, Himarë, Selenicë, ndërsa Zhupa në qytetin e Sarandës, Delvinë, Konsipol, Finiq.
Ndërkohë në qarkun Berat drejtues politik do të jetë Enno Bozdo, i cili është votuar në një mbledhje të kryesisë së PD së Rithemelimit.
