TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një kollë e fortë dhe agresive po ju zgjat më shumë se dy javë dhe mendoni se keni grip apo alergji? Mund të mos jetë asnjëra prej tyre , por sëmundja e kollës së mirë. Mjekët thonë se është rishfaqur dhe po prek kryesisht fëmijët. Vetëm në urgjencën e pediatrisë në Qendrën Spitalore “Nënë Tereza” në Tiranë tre javët e fundit kanë kërkuar ndihmën e mjekëve 28 pacientë të vegjël. Aktualisht tetë janë të shtruar në spital.
Vaksina për kollën e mirë është pjesë e kalendarit të detyruar dhe nis në muajin e dytë të jetës, kryhet në disa doza deri në vitin e parë të shkollës së mesme.
Sëmundja është ngjitëse dhe përhapet përmes kontaktit me personin e prekur nga kollitja apo teshtitja. Shenja më dalluese është kolla me intensitet të lartë që zgjat në kohë. Sëmundja mund të çojë në pneumoni apo inflamacion të trurit. Por vaksinimi dhe trajtimi mbron nga format e rënda dhe humbja e jetës.
