TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Trupi i Floresha Prengut, 35-vjeçares me origjinë shqiptare është gjetur në Trento, më shumë se dy muaj pas zhdukjes së saj. Mediat italiane raportojnë se trupi i pajetë i shqiptares u gjet mëngjesin e kësaj të enjteje.
Sipas gazetave lokale, trupi u gjet rreth 40 kilometra larg kryeqytetit të Trentinos. Familja e gruas e identifikoi më vonë trupin e saj.
Për Floreshën, nënë e dy vajzave, nuk dihej asnjë lajm që nga mëngjesi i 22 tetorit, kur doli nga shtëpia herët për në punë, por nuk ishte kthyer deri në orën 5 të pasdites, orari i saj i planifikuar i kthimit. Burri i saj kishte dhënë alarmin .
Autoritetet nisën menjëherë një operacion gjithëpërfshirës kërkimi, si në male ashtu edhe në lumenj, duke përfshirë zjarrfikës, zhytës dhe helikopterë. 35-vjeçarja, e cila punonte si pastruese në disa pallate dhe kishte humbur të atin pak para zhdukjes së saj, ishte larguar nga shtëpia vetëm me telefonin e saj.
“Ajo i do vajzat e saj; nuk do t’i kishte lënë kurrë”, thanë miqtë, të afërmit dhe burri i saj. Askush nuk kishte vënë re ndonjëherë shenja sëmundjeje. Nuk u dhanë detaje të mëtejshme mbi shkakun e vdekjes apo rrethanat e gjetjes së saj.
