TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rëndohet situata në kompleksin e banimit në zonën e farmacisë nr.10, pranë QSUT-së në Tiranë e cila është përfshirë nga një zjarr masiv pasditen e sotme
Një pallat është përfshirë nga flakët pasditen e së martës në Tiranë. Ngjarja ka ndodhur te Farmacia nr.10, përballë spitalit “Nënë Tereza” në kryeqytet.
Raportohet se në terren ka zbarkuar edhe ministri i Brendshëm, Besfort Lamallari, për të vëzhguar nga afër situatën.
Ende nuk dihen shkaqet e rënies së zjarrit, apo nëse ka dëme në njerëz apo dëme materiale. Por nga pamjet duket se në zonë është shkaktuar një kaos i vërtetë, me qytetarë që vrapojnë për t'u larguar nga zona. Po ashtu raportohet se brenda pallatit ka ende njerëz.
Banorët, të gjendur në panik, janë konfliktuar me forcat e rendit të cilët kanë vendosur perimetrin e sigurisë duke mos lejuar askënd t’i afrohet kompleksit.
Flakët vijojnë të jenë të mëdha dhe rreziku i përhapjes së tyre është i madh duke rrezikuar dhe pallatet e tjera.
Policia dhe forcat Zjarrëfikëse kanë mbërritur në vendngjarje dhe po punojnë për të bërë të mundur shuarjen e flakëve dhe zbardhjen e rrethanave të ngjarjes.
