TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Grupit të Partisë Demokratike, Gazment Bardhi, ka kërkuar që drejtori i Policisë së Shtetit, të japë dorëheqje dhe të ndiqet penalisht për shpërdorim detyre, pasi sipas tij po lejon turmën të sulmojë ambientet e punës së prokurorëve dhe gjyqtarëve.
Bardhi thotë se Policia nuk ka marrë masa për të për të garantuar rendin publik,
Reagimi i Bardhit:
Horri i bandave në krye të Policisë së Shtetit që lejon turmën e batakçinjëve të Bashkisë së Tiranës që të pengojnë makinat e prokurorëve, gjyqtarëve dhe të korruptuarit Erion Veliaj të hyjnë e dalin lirisht nga GJKKO, duke refuzuar të marrë masat për të garantuar rendin publik, duhet të shkarkohet e ndiqet menjëherë penalisht për shpërdorim detyre.
Guximi i tij për të lejuar turmën e drejtorëve batakçi të Bashkisë Tiranë për të sulmuar në ambinetet e punës gjyqtarë e prokurorë, është guxim prej krimineli që me ndërgjegjie shkel ligjin. Duhet ndëshkim, menjëherë!
