TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Shishtavec dhe Novosej, dy fshatra malorë të Kukësit, fermerët prodhojnë patate cilësore, me plehra organikë, në lartësinë mbi 800 metra mbi nivelin e detit. Megjithatë, fermerët e zonës po përballen me mungesë tregu. “Është shumë e vështirë të shitet patatja. Për ta shitur duhet t’u lutesh tregtarëve. Edhe me çmimin që ka rënë, tani po shitet 40 lekë/kg”, tha kryeplaku Mahmut Noka.
Patatja e Shishtavecit shitet me shumicë 40 lek për kg, ndërsa tregtarët e Kukësit e shesin me pakicë me 60-70 lek për kg. Por në tregje gjenden dhe patate me çmim më të lirë, siç është ajo e Kosovës me 50 lek për kg. Diferenca e çmimit i orienton blerësit drejt produkteve më të lira, duke lënë stok prodhimin lokal.
Fermerët nuk po arrijnë të eksportojnë patatet në Kosovë, ndërsa kërkesat për blerje direkte në vend janë të pakta.
“Tregtarët i marrin nga jashtë. Askush nuk do ta dijë se sa kuintal patate kemi ne këtu. Unë i kam futur në gropë për t’i ruajtur por këto nuk durojnë shumë gjatë. Kemi kohë që përballemi me stokun e patateve. Shteti s’do tia dijë fare ccfarë bëhet këtu. As subvecione nuk marrim. Nuk ia vlen fare për ta mbjellë por ne me këtë pune merremi, s’kemi ca të prodhojmë tjeter”, thanë ata.
Situata po rëndon familjet në Shishtavec dhe Novosej që rrezikojnë të humbasin të vetmin burim jetese. Prodhimi bio mbetet një krenari lokale, por që për këtë sezon po përballet me sfiden serioze të tregut.
