TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Tiranës njoftoi sot (18 mars) se ka arrestuar shoferin 52-vjeçar të autobotit të ujit të UKT-së, që akuzohet se aksidentoi dje për vdekje pranë Gjykatës së Tiranës një 72-vjeçare që po udhëtonte me motor elektrik.
Ngjarja ndodhi në bulevardin “Gjergj Fishta” në kryeqytet, në zonën e njohur si ish-“Ekspozita”. Viktimë e përplasjes mbeti e moshuara Athina Bushi, që humbi jetën në vend.
Nga këqyrja e pamjeve të kamerave të sigurisë, policia bëri me dije se viktima është penguar duke lëvizur me motomjetin elektrik dhe ka rënë në rrugë, por autoboti që drejtohej nga 52-vjeçari e ka përplasur me rrotat e pasme.
“Specialistët e Qarkullimit Rrugor bënë arrestimin në flagrancë të shtetasit A. B., 52 vjeç, pasi dje, mjeti që drejtonte është përfshirë në një aksident rrugor, me pasojë vdekjen e shtetases A. B., 72 vjeçe, e cila lëvizte me motomjet elektrik”, thuhet në njoftimin zyrtar të policisë.
Hetimet për ngjarjen e rëndë janë aktive dhe priten rezultatet e ekspertizës auto-teknike.
